برلن(منور علی شاھد بیورو چیف جرمنی)جرمن وزیر داخلہ تھوماس ڈے میزیئر نے کہا ہے کہ یہودیوں اور اسرائیل کی تضحیک قابل قبول نہیں ہے۔
غیرملکی خبررساں ادارے کے مطابق میزیئر نے احتجاج کے دوران اسرائیلی پرچم نذر آتش کیے جانے پر شدید تنقید کی اور کہاکہ یہ بالکل بھی قابل قبول نہیں کہ یہودیوں یا اسرائیلی ریاست کی اس شرمناک انداز میں تضحیک کی جائے۔واضح رہے کہ گزشتہ ہفتے کے دوران جرمن دارالحکومت برلن میں امریکا کی اسرائیل کے حوالے سے سیاست کے خلاف مظاہرے کیے گئے تھے اور اس موقع پر اسرائیلی پرچم کو آگ لگانے کے واقعات بھی پیش آئے تھے۔
