بیجنگ (آن لائن) چین نے ایک آبی گزر گاہ پر معمول کی مشق کے دوران اسکے فوجی طیارے کو جاپان کی جانب سے ڈیکو فیلیرز کے ذریعے نشانہ بنانے کی سخت الفاظ میں مذمت کی ہے اور اس اقدام کو خطرناک اور غیر پیشہ ورانہ قرار دیا ہے ۔ دو جاپانی ایف۔15 طیاروں نے میزائل نما ہتھیاروں سے طیارے پر اس وقت فائر کئے جب چینی طیارہ جاپان اور اوکی ناوا جزائر کے درمیان خلیج میاکو سے گزر رہا تھا ۔یہ بات وزارت دفاع نے گزشتہ روز اپنی ویب سائٹ پر بتائی ہے ۔ بیان میں کہا گیا ہے کہ یہ واقعہ ہفتہ کی صبح اس وقت پیش آیا جب چینی طیاروں نے معمول کی سمندری مشق کی۔
