راولپنڈی (نیوز وی او سی آن لائن)پاکستان تحریک انصاف کے چیئرمین عمران خان کا کہنا ہے ہرے پاسپورٹ کی پوری دنیا میں عزت کرائیں گے ۔
عمران خان نے راولپنڈی میں ممبرسازی مہم کے سلسلے میں مختلف کیمپوں کا دورہ کیا اور ممبر سازی مہم کا جائزہ لیا۔عمران خان نے پیرودھائی کے مقام پر ممبرسازی کیمپ پر خطاب کرتے ہوئے کہنا تھا کہ تمام نوجوانوں کو پی ٹی آ ئی کا ممبر بننے کی تاکید کرتا ہوں کیوں کہ 2018 نئے پاکستان اور تبدیلی کا سال ہے لہذا نوجوان پی ٹی آئی کا ممبر بن کر میری ٹیم کا حصہ بنیں۔انہوں نے کہا کہ پنڈی میٹرو کی جگہ یہ پیسہ صحت، تعلیم اور صاف پانی پر لگا کر شہر کو بدلا جا سکتا تھا لیکن انہوں نے پیسا بنانا تھا اسی لیے پروجیکٹ بنایا۔
ان کا کہنا تھا کہ شریف خاندان قوم کا پیسا چوری کر کے باہر لے جاتا ہے لیکن اس کرپٹ مافیا اور ٹولے کاآئندہ انتخابات میں خاتمہ ہوگا۔انہوں نے کہا کہ آ پ کے کپتان کو مقابلہ کرنا آتا ہے اور 22 سال سے اس وقت کا انتظار کر رہا تھا، آئندہ الیکشن میں تمام جماعتوں کو پھینٹی لگاو¿ں گا۔عمران خان مزید کہا کہ سبز پاسپورٹ کی پوری دنیا میں عزت کرائیں گے اور پاکستانی سبزپاسپورٹ لے کر دنیا میں جہاں بھی جائے گا لوگ اس کی عزت کریں گی۔
