نئےسال کی مبارکباد ،موبائل فون کمپنیوں کے نیٹ ورک جام ہو گئے ،صارفین کو مشکلات کا سامنا

ہور( نیوز وی او سی آن لائن)لاکھوں صارفین کی طرف سے بیک وقت ایک دوسرے کو نئے سال کی آمدکے مبارکباد کے پیغامات بھجوائے جانے اور فون کالز کے باعث موبائل فون کمپنیوں کے نیٹ ورک جام ہو گئے ،صارفین کو شدید مشکلات کا سامنا ۔
تفصیلات کے مطابق موبائل صارفین کی بڑی تعداد نے بیک وقت اپنے پیاروں کو نئے سال کے آغازسے ایک منٹ قبل مبارکباد دینے کے لئے ایس ایم ایس اور کالز کرنا شروع کردیں اور اچانک غیر معمولی لوڈ پڑنے سے موبائل نیٹ ورک مصروف ہو گئے ۔ موبائل فون کمپنیوں کے نیٹ ورک میں خلل کے باعث صارفین کو مشکلات کا سامنا کرنا پڑا۔ متعددصارفین نے موبائل نیٹ ورکس مصروف ہونے کے خدشے کے پیش نظر اپنے دوستوں اور پیاروں کو پیشگی ایس ایم ایس اور موبائل فون کر کے مبارکباد کے پیغامات دئیے ۔