کراچی(نیوز وی او سی آن لائن ) پاکستان کرکٹ ٹیم کے سابق کپتان شاہد آفریدی نے کہا ہے کرکٹرز گول میز کانفرنس کے بارے میں علم نہیں ہے جب کہ میڈیا کے ذریعے معلوم ہوا ہے کہ پی سی بی کانفرنس کا انعقاد کرنے جا رہا ہے جو اچھا اقدام ہے۔
کراچی میں ایک تقریب کے بعد میڈیا سے گفتگو کرتے ہوئے 36 سالہ سپراسٹار نے کہا کہ کرکٹ اور ملک کی خدمت کیلئے ہر وقت دستیاب ہوں، پی سی بی نے کانفرنس میں دعوت دی تو بھرپور معاونت فراہم کروں گا اور اگر نہ بلایا گیا تو میں اپنی فاؤنڈیشن کے کاموں کو جاری رکھوں گا
پی ایس ایل کے دوسرے ایڈیشن سے پاکستان کرکٹ کو بہت سی توقعات وابستہ ہیں، لیگ میں نوجوان پلیئرز کو موقع دیا جا رہا ہے اور یقیناً قومی ٹیم کیلئے نیا ٹیلنٹ سامنے آئے گا۔ فائنل لاہور میں کروانا خوش آئند ہے، پی ایس ایل پاکستان کا ایونٹ ہے اس لیے زیادہ سے زیادہ میچز کا انعقاد دیگر شہروں میں بھی کروانا چاہیے۔
