گوجرانوالہ 05 مارچ
(بشیر باجو ہ بیورو چیف پاکستان نیوز وائس آف کینیڈ ا)
گوجرانوالہ کے ایریا سٹیلائٹ ٹاؤن میں دن بہ دن بیٹری چوری میں اضافہ مختلف جگہوں پر کھڑی گاڑیوں اور جنریٹروں کے ساتھ لگی بیٹریوں کی چوری معمول بن گئی اور روزانہ درجنوں بیٹریاں چوری شہریوں کے لئے وبال جان بن گئی ‘ گزشتہ رات نیشنل سکول فار ڈیف اینڈ ڈمب سکول کی بس سے رات 2 بجے دو نامعلوم چوروں نے اتار لی ‘ گذشتہ تین چار دنوں سے بیٹر چور گینگ نے سٹیلائٹ ٹاؤن کے ایریا میں ادھم مچا رکھا ہے ‘ اور علاقائی پولیس لمبی تان کر سوئی ہوئی ہے ‘ شاپنگ پلازوں پر کھڑی گاڑیاں اور دوکانوں کے باہر رکھے جنریٹر چوروں کی ہٹ لسٹ پر چوری کی وارداتوں میں اضافے کے سبب شہریوں میں تشویش کی لہر دوڑ گئی ‘ بیٹری چوروں کے متعلق کئی دفعہ انتظامیہ کو بتایا لیکن چوروں کے خلاف کاروائی کرنے سے مقامی پولیس گریزاں ہیں چور گینگ کی وارداتوں میں دن بہ دن اضافہ پولیس کی غفلت کا نتیجہ ہے ‘ شہریوں نے بیٹری چور گینگ کی گوجرانوالہ CPO اور RPO گوجرانوالہ سے فوری گرفتاری کا مطالبہ کیا ہے ۔
