برازیلیا: (ویب ڈیسک) برازیلی گلوکارہ لولاوا براز جنکے گانے لا لمبادا نے انیس سو نوے کی دہائی میں مقبولیت کے ریکارڈ قائم کئے کو نامعلوم افراد نے قتل کر دیا ہے۔ انکی لاش ریو ڈی جنیرو کے مضافات میں انکے گھر کے قریب ایک گاڑی سے ملی ہے۔ پولیس کے مطابق لاش مکمل طور پر جل چکی ہے۔ عینی شاہدوں کے مطابق انکے گھر سے دو افراد کو نکل کر بھاگتے ہوئے دیکھا گیا۔ براز نے تین جون انیس سو ترپن کو ایک موسیقار گھرانے میں آنکھ کھولی۔ انہوں نے تیرہ برس کی عمر میں گانا شروع کیا۔ انہوں نے پرتگالی، ہسپانوی، فرانسیسی اور انگریزی زبان میں گانے گائے۔
