کارڈیف (سپورٹس ڈیسک) جنوبی افریقہ کےخلاف شاندار انداز میں ڈیبیو کرنےوالے نوجوان کھلاڑی فخر زمان نے سری لنکا کےخلاف میچ پر نظریں جما لی ہیں اور کہا ہے کہ وہ زیادہ سے زیادہ وقت وکٹ پر گزارنے اور سنچری بنانے کی بھرپور کوشش کریں گے۔میں اپنی ٹیم کو اچھا آغاز فراہم کرنے کیلئے وکٹ پر زیادہ سے زیادہ وقت گزارنے کی کوشش کروں گا تاکہ مڈل آرڈر میچ کو مزید آگے بڑھاتے ہوئے بڑا ہدف دینے میں کامیاب ہو سکے۔ میں سنچری بنانے کی کوشش کروں گا۔ وہ کوئی مخصوص سری لنکن باولر ان کے ٹارگٹ پر نہیں ہے اور کوارٹر فائنل کی حیثیت اختیار کر جانے والے اس میچ کو بھی عام میچ کی طرح ہی لیں گے۔میں گیند کھیلوں گا، باولر کو نہیں۔ میں ہر گیند کو میرٹ پر کھیلوں گا اور ہر بری گیند کا زیادہ سے زیادہ فائدہ اٹھاوں گا۔ جنوبی افریقہ کے خلاف جیت نے پاکستانی ٹیم کے اعتماد میں اضافہ کیا ہے اور پرامید ہیں کہ سری لنکا کو ہرا کر سیمی فائنل میں جگہ بنائیں گے۔میں بالکل ویسا ہی کھیلا جیسا میں ڈومیسٹک میچوں میں کھیلتا تھا۔ میں نے فیصلہ کیا تھا کہ میں بیک فٹ پر نہیں جاوں گا اور جنوبی افریقی باولرز کو ٹیم پر دباو نہیں ڈالنے دوں گا۔ میں ایک بڑی اننگز کھیلنے کی کوشش کر رہا تھا مگر بدقسمتی سے ایسا نہ ہو سکا۔ مجھے اپنے 30 رنز کو بڑے سکور میں تبدیل کرنا چاہئے تھا لیکن مجھے پچھتاوا ہے کہ میں ایسا نہیں کر سکا۔انہوں نے مزید کہا کہ وکٹ پر ٹھہر کر رنز بنانے کی کوشش کرونگا۔کوچز نے بھی کافی مدد کی ہے اور قوم کو مایوس نہیں کروں گا۔
