کراچی: کون بچائے گا پاکستان، متحدہ پاکستان اور مشرف بھائی جان۔ کراچی پریس کلب کے باہر متحدہ قومی جرگے کا بینر لگا دیا گیا۔ پرویز مشرف اور فاروق ستار کی تصاویر بھی بینر پر موجود ہے اور جاگ مہاجر جاگ کے نعرے بھی درج ہیں۔ لگتا ہے دبئی میں پکنے والی سیاسی کھچڑی کی مہک کراچی پہنچ گئی ہے۔ ڈاکٹر عشرت العباد نے دبئی میں پڑاؤ ڈالا ہوا ہے۔ پاک سرزمین پارٹی کے سربراہ مصطفی کمال اور خالد مقبول صدیقی بھی دبئی یاترا مکمل کر آئے۔ اس سے پہلے خواجہ اظہار اور فاروق ستار نے بھی دبئی کا دورہ کیا۔ تمام رہنماؤں کی پرویز مشرف سے ملاقاتوں کی باتیں بھی گردش میں ہیں۔ کراچی کے اہم سیاستدانوں کا دبئی میں جانا اتفاقیہ ہے یا کچھ اور ہی معاملات ہیں۔ آنے والے چند روز میں صورتحال کھل کر سامنے آنے کا امکان ہے۔
