(بشیر باجوہ بیورو چیف پاکستان نیوز وائس آف کینیڈا)
کراچی میں تھانے دار سمیت 4 پولیس اہلکاروں کی ٹارگٹ کلنگ،،،، ایس ایس پی ناصر آفتاب کے مطابق افطاری کے دوران سرمیں گولیاں مار کر شہید کردیا گیا
کوئٹہ اور پارا چنار میں دہشت گردی کے بعد کراچی میں بھی امن دشمنوں نے پولیس اہلکاروں کو نشانہ بنا ڈالا ، سائٹ ائریا میں پولیس موبائل پر فائرنگ کے نتیجے میں 3کانسٹیبل اور 1اے ایس آئی سمیت 4پولیس اہلکار شہید ہو گئے ہیں جبکہ فائرنگ کے نتیجے میں ایک اہلکار شدید زخمی ہے۔
کراچی کے علاقے سائٹ ائریا میں سیمینز چورنگی کے پاس افطاری کرنے والے پولیس جوانوں پر موٹر سائیکل سوار دہشت گردوں نے اندھا دھند فائرنگ کردی جس کے نتیجے میں 4پولیس اہلکار شہید ہوگئے ہیں۔ایس پی سائٹ آصف احمد کے مطابق پولیس اہلکار افطاری کے لئے ہوٹل میں بیٹھے ہوئے تھے کہ موٹر سائیکل سوار حملہ آوروں نے پولیس اہلکاروں پر فائرنگ کردی، ملزمان نے ہیلمنٹ پہن رکھے تھے وہ جس راستے سے آئے تھے اسی راستے سے فرار ہوگئے،شہید ہونے والے اہلکاروں کوسروں میں 2 سے زائد گولیاں لگی ہیں۔
