کراچی کے مختلف علاقوں میں کارروائیوں کے دوران 5 ملزمان ہلاک ہوگئے جبکہ ٹریفک حادثے کے نتیجے میں1 شخص جاں بحق ہوگیا۔
کراچی کے علاقے ڈیفنس فیز ون کی اے مارکیٹ میں مبینہ پولیس مقابلے میں 2 ڈاکو ہلاک اور ایک زخمی ہوگیا۔
ایس ایس پی ساؤتھ کے مطابق ملزمان کئی دنوں سے ڈیفنس میں وارداتیں کر رہے تھے۔
قانون نافذ کرنے والے اداروں نے موچکو رئیس گوٹھ میں گینگ وار ملزم عزیر بلوچ کے 2 اہم کمانڈر کامران کاموں اور زبیر چھوٹو کو گرفتار کرکے تفتیش کے لیے نامعلوم مقام پر منتقل کردیا۔
قانون نافذ کرنے والے اداروں نے تھانہ ڈاکس کے علاقے مچھر کالونی میں ٹارگٹڈ کاروائی کی جس کے دوران منشیات منتقل کرنے والا ٹیکسی ڈرائیور ساتھی سمیت گرفتار کرلیا گیا،ملزمان کے قبضے سے منشیات کی بڑی کھیپ بھی پکڑی گئی۔
ذرائع کے مطابق یہ ملزمان بدنام زمانہ گینگسٹر ماما یعقوب کے کارندے ہیں۔
چاکیواڑہ سے منشیات فروش حارث کو گرفتار کرلیا گیا ۔
ادھر سپر ہائی وے پر کاٹھوڑ موڑ کے مقام پر نامعلوم گاڑی کی ٹکر سے موسیٰ نامی شخص جاں بحق ہوگیا۔
