کامن ویلتھ گیمز میں شرکت کے بعد ریسلنگ ٹیم وطن واپس پہنچ گئی ۔کامن ویلتھ گیمز میں شرکت کے بعد ریسلنگ ٹیم کے لاہور پہنچنے پر اس کا شاندار استقبال کیا گیا اور کھلاڑیوں پر پھولوں کی پتیاں نچھاور کی گئیں۔واضح رہے کہ کامن ویلتھ گیمز میں پاکستان نے سونے کا واحد میڈل ریسلنگ میں حاصل کیا ہے۔پاکستانی پہلوان انعام بٹ نے 86 کے جی کلاس میں سونے کا میڈل جیتا،پاکستان نے ریسلنگ میں کانسی کے دو تمغے بھی حاصل کیے۔پاکستانی پہلوانوں طیب رضا اور محمد بلال نے یہ کانسی کے تمغے جیتے۔
