کالا دھن سفید کرنے سے ”حکومت“ کو کتنا فائدہ؟,

اسلام آباد (نیٹ نیوز) ملکی تاریخ کی سب سے بڑی ایمنسٹی سکیم کی تیاری کرلی گئی ہے۔ کیش، بنگلہ، لگژری گاڑیاں، زیور، زمین، ملکی و غیر ملکی جائیداد سمیت ہر قسم کا کالا دھن سفید ہو سکے گا۔ حکومت کو چھ ماہ میں پچاس ارب روپے سے زیادہ آمدن کی امید ہے۔ ناکام ایمنسٹی سکیموں کے بعد ایک اور ایمنسٹی سکیم لانے کی تیاری کی جا رہی ہے۔ مجوزہ سکیم کے تحت 6 ماہ میں پانچ سے دس فیصد ٹیکس دیں اور کالا دھن سفید کرائیں۔ پاکستان کے بیرون ملک اثاثوں کی مالیت 500 ارب ڈالر ہے جبکہ 200 ارب ڈالر صرف سوئس بینکوں میں ہیں۔ ملک کے اندر بلیک اکانومی کا حجم 3000 ارب روپے سے زیادہ ہے۔ اس سکیم سے حکومت کو پچاس ارب روپے سے زیادہ آمدنی حاصل ہونے کا امکان ہے۔ تاجر تنظیمیں مجوزہ سکیم کی حامی ہیں۔ سیاسی جماعتوں کے خیال میں مجوزہ سکیم کی حیثیت این آر او سے زیادہ نہیں