پشاور 21 ستمبر 2017
(بشیر باجوہ بیورو چیف پاکستان نیوز وائس آف کینیڈا)
پشاور میں ڈینگی مچھروں سے بھرا بیگ لے کر آنے والاخاندان پکڑا گیا ۔
تفصیلا ت کے مطابق حیات آباد میڈیکل کمپلیکس کے ڈائریکٹر ڈاکٹر شہزاد اکبر نے بتایا کہ کہ انہوں نے آج ہی سی سی ٹی وی کی مدد سے ایک ایسے خاندان کو پکڑا ہے جو ڈینگی مچھروں سے بھرا بیگ لے کر ہسپتال میں داخل ہوئے۔اس قبیح فعل میں ملوث خاندان میں لیاقت اسکی بیوی ، بیٹی اور اسکا بیٹا سیف اللہ شامل ہیں ۔
پکڑے جانے پر لیاقت اور اسکے خاندان نے انکشاف کیا کہ انہیں ڈینگی مچھر سمگل کرنے پر ایک اچھی خاصی رقم بطور معاوضہ دی گئی۔اس خاندان کا کہنا تھا کہ وہ انتہائی غریب ہیں ،انہیں رقم کی ضرورت تھی اس لیے انہوں نے ایسا کرنے کی حامی بھری۔خاندان کو خبرادار کرنے کے بعد چھوڑ دیا گیا۔اس موقع پر ڈاکٹر شہزاد اکبر کا کہنا تھا کہ وہ خوش ہیں کہ انہوں نے اس خاندان کو پکڑا اس سے پہلے کہ یہ لوگ ڈینگی مچھروں سے بھرا بیگ کھول دیتے ۔انکا مزید کہنا تھا کہ یہ مچھر اتنی تعداد میں تھے کہ ان سے ڈینگی جیسا مہلکمرض ایک بڑے پیمانے پر پھیل سکتا تھا۔
