فضائی اہداف کو ڈھونڈ کرتباہ کرنے کی صلاحیت کا حامل نیا ایئر ڈیفنس سسٹم پاک فوج میں شامل کرلیاگیا ،تقریب کے مہمان خصوصی آرمی چیف جنرل قمر جاوید باجوہ تھے۔
آئی ایس پی آر کے مطابق چینی ساختہ ایل وائی 80کم اور درمیانی بلندی پر پرواز کرنے کی صلاحیتوں والا فضائی دفاعی نظام ہے، جس سے دور کے اہداف کو بھی نشانہ بنایا جاسکے گا۔
آئی ایس پی آر کے مطابق اس موقع پر خطاب میں آرمی چیف نے کہا کہ ایل وائی 80 نے ملک کی ایئرڈیفنس کو درپیش حالیہ خطرات سے نمٹنے کی صلاحیت میں اضافہ کیا ہے۔
