واشنگٹن (نیوز وی او سی آن لائن ) امریکا کے نومنتخب صدر ڈونلڈ ٹرمپ کسی نہ کسی طور دوسروں کے لئے مشکلات پیدا کرتے رہتے ہیں ، اب ذرا دیکھیں مادام تساؤ مومی عجائب گھر کے مجمسہ سازوں کو جو ان کے بالوں کا سٹائل بنانے کے دوران پھنس گئے ۔ میڈرڈ ، نیویارک ، واشنگٹن اور اب لندن نومنتخب امریکی صدر ڈونلڈ ٹرمپ کے مومی مجسمے ان شہروں میں مادام تساؤ مومی عجائب گھروں میں سجا دیئے گئے ہیں ۔ اپنے متنازعہ بیانات کی طرح ٹرمپ کی شخصیت بھی ذرا ہٹ کے ہے ۔ لندن میں ان کا مجسمہ بنانے والے ڈیوڈ گارنر کا نے ان کی شخصیت کے اس پہلو کا اجاگر کیا ہے ۔ ان کا کہنا ہے نومنتخب صدر کے مجسمے میں سب سے مشکل چیز ان کے بال تھے ۔ گارنر کا کہنا ہے تنکے جیسے بال اور ان کو بنانے کا سٹائل ، گارنر کے مطابق انہوں نے نومنتخب صدر کی درجنوں تصاویر دیکھیں اور پھر ان کے بال بنائے ۔ انہوں نے کہا وہ مجسمے کے بالوں سے مطمئن نہیں ۔
