ڈونلڈ ٹرمپ طیارے کی سیڑھیاں چڑھتے ہوئے لڑکھڑا گئے — جسمانی صحت پر سوالات ایک بار پھر زیر بحث
رپورٹ: بشیر باجوہ / VOC اردو
امریکہ، نیو جرسی
—
ڈونلڈ ٹرمپ طیارے کی سیڑھیاں چڑھتے ہوئے لڑکھڑا گئے — جسمانی صحت پر سوالات ایک بار پھر زیر بحث
موجودہ امریکی صدر ڈونلڈ ٹرمپ اپنے صدارتی طیارے ائیر فورس ون کی سیڑھیاں چڑھتے ہوئے اچانک لڑکھڑا گئے۔
یہ واقعہ اس وقت پیش آیا جب صدر ٹرمپ نیو جرسی میں چھٹیاں گزارنے کے بعد واشنگٹن ڈی سی واپس جا رہے تھے۔
برطانوی میڈیا رپورٹس کے مطابق صدر ٹرمپ جہاز کی سیڑھیاں چڑھتے ہوئے اچانک توازن کھو بیٹھے، تاہم وہ فوراً سنبھل گئے اور باقی سیڑھیاں اعتماد سے چڑھ کر طیارے کے دروازے پر پہنچے، جہاں انہوں نے ہوائی اڈے پر موجود افراد کو ہاتھ بھی ہلایا۔
صدر ٹرمپ رواں ماہ اپنی 79ویں سالگرہ منانے والے ہیں، اور ان کی حالیہ لڑکھڑاہٹ نے ایک بار پھر ان کی صحت سے متعلق عوامی بحث کو جنم دے دیا ہے۔
یاد رہے کہ گزشتہ سال جولائی میں پنسلوینیا کی ایک انتخابی ریلی کے دوران ان پر قاتلانہ حملہ بھی ہوا تھا، جس میں ان کا کان گولی سے معمولی زخمی ہوا تھا۔
یہ واقعہ ایک ایسے وقت میں پیش آیا ہے جب صدر ٹرمپ دوبارہ انتخابی مہم کے لیے متحرک ہو چکے ہیں، اور ان کی عمر و صحت سیاسی حلقوں میں بار بار زیر بحث آتی رہی ہے۔
—
وی او سی اردو
🌐 www.newsvoc.com
ہمارا واٹس ایپ چینل جوائن کریں
Disclaimer:
یہ خبر بین الاقوامی ذرائع ابلاغ کی رپورٹس پر مبنی ہے اور صرف عوامی معلومات کے لیے پیش کی جا رہی ہے۔ وی او سی اردو کسی بھی دعوے کی تصدیق یا تردید کا ذمہ دار نہیں۔
وی او سی اردو: تحقیقی، تجزیاتی اور غیر جانبدار صحافت کا معتبر پلیٹ فارم
