ڈاکٹرطاہر القادری آج لاہور پہنچ رہے ہیں

لاہور 8 اگست 2017
(بشیر باجوہ بیورو چیف پاکستان نیوز وائس آف کینیڈا)
ملک کا سیاسی ماحول مزید گرم ہونے جارہا ہے اور پاکستان عوامی تحریک کے سربراہ طاہرالقادری دوحہ سے کل صبح سات بجے لاہور ائیرپورٹ پر پہنچیں گے جہاں عوامی تحریک کے کارکن ان کا استقبال کریں گے ۔ائیرپورٹ سے وہ جلوس کی شکل میں جوڑے پل،دھرم پورہ،صدر گول چکر سے ہوتے ہوئےمال روڈ کے راستے ناصرباغ جائیں گے جہاں جلسے سے خطاب کریں گے اور اپنے مستقبل کے لائحہ عمل کا اعلان کریں گے جلسے میں عوامی مسلم لیگ کے سربراہ شیخ رشیدکی شرکت بھی متوقع ہے۔عوامی تحریک کے ذرائع کا کہنا ہے کہ طاہر القادری نےحکومت مخالف تحریک کومنطقی انجام تک پہنچانےکافیصلہ کیا ہے اوربیرون ملک مصروفیات منسوخ کرتے ہوئے تحریک کےنتائج آنے تک وطن میں رہنے کااعلان کیا ہے اس کے علاوہ جسٹس باقر نجفی کمیشن کی رپورٹ کے حصول کیلئے قانونی آپشنز اختیارکرنےکافیصلہ کیا گیا ہے۔