اسلام آباد (نیوز وی او سی آن لائن )سابق صدر پرویز مشرف پرفارمنگ آرٹ سے بہت لگاﺅ رکھتے ہیں یہ ہی وجہ ہے کہ کبھی نجی محفل اور کبھی ڈانس کلب میں ان کے ڈانس کی ویڈ یوز منظر عام پر آجاتی ہے ۔کچھ عرصہ قبل مشرف کی ایک ویڈیو نے سوشل میڈ یا پر تہلکہ مچا دیا تھا جس میں وہ ایک لڑکی کے ساتھ ڈانس کر رہے ہیں ۔اب یہ لڑکی منظر عام پر آگئی ہے ،سارہ شریف نامی یہ لڑکی پاکستانی ہے جو دبئی میں رہتی ہے ۔
سارہ شریف کو بالی ووڈ کنگ شاہ رخ خان ،اداکار سوشانتھ سنگھ راجپوت ،اداکارہ کاجول اور فیشن ڈیزائنر روکی سمیت بہت سے لوگوں کے ساتھ کے ساتھ دیکھا گیا تھا ۔سماجی رابطے کی ویب سائٹ فیس بک پر سارہ شریف نے ایک پوسٹ میں لکھا کہ اس ویڈ یو کلپ کو دیکھنے کے بعد بہت سے لوگوں نے مجھے میسج اور کالز کیں اور پوچھا ”تم مشرف کے ساتھ پارٹی کر رہی تھیں“،جی ہاں ،اس میں کونسی بڑی بات ہے ۔سارہ شریف نے کہا کہ لوگ ایسے پیغامات اس لیے بھیج رہے ہیں کیونکہ وہ ویڈیو میں نہیں دیکھ سکے کہ پرویز مشرف کے ساتھ پورا ایک گروپ ڈانس کر رہا تھا ۔انہوں نے کہا کہ اس ویڈیو کے حوالے سے لوگ بہت سی کہانیاں بنا رہے ہیں کیونکہ وہ وہاں موجود نہیں تھے ۔سارہ شریف نے مزاحیہ انداز میں مزید کہا کہ اس ویڈیو کے منظر عام پر آنے سے مجھے معلوم نہیں ہے کہ زیادہ مشہور کون ہوا ،مشرف یا میں ۔
واضح رہے کہ کچھ عرصہ قبل سینئر صحافی حامد میر نے ایک ویڈیو اپ لوڈ کی تھی جس میں پرویز مشرف ایک پاکستانی نائٹ کلب میں سارہ شریف کے ساتھ بھارتی فلم ”یہ جوانی ہے دیوانی“کے گانے ”دہلی والی گرل فرینڈ“پر ڈانس کر رہے تھے ۔
