چیف جسٹس یحییٰ آفریدی کی زیرِ صدارت قومی عدالتی پالیسی ساز کمیٹی کا اجلاس: لاپتا افراد پر گہری تشویش، سمجھوتہ نہ کرنے کا اعلان

: عدالتی و پارلیمانی ڈیسک
: اسلام آباد، پاکستان

چیف جسٹس یحییٰ آفریدی کی زیرِ صدارت قومی عدالتی پالیسی ساز کمیٹی کا اجلاس: لاپتا افراد پر گہری تشویش، سمجھوتہ نہ کرنے کا اعلان

سپریم کورٹ آف پاکستان کے چیف جسٹس یحییٰ آفریدی کی سربراہی میں ہونے والے قومی عدالتی پالیسی ساز کمیٹی کے اجلاس میں ملک میں لاپتا افراد کے معاملے پر گہری تشویش کا اظہار کرتے ہوئے واضح کیا گیا کہ عدلیہ بنیادی انسانی حقوق پر کوئی سمجھوتہ نہیں کرے گی۔

اجلاس میں ایڈیشنل اٹارنی جنرل، چیف جسٹس اسلام آباد ہائی کورٹ جسٹس سردار سرفراز ڈوگر، چیف جسٹس لاہور ہائی کورٹ جسٹس عالیہ نیلم، چیف جسٹس سندھ، پشاور اور بلوچستان ہائیکورٹس کے سربراہان نے شرکت کی۔

کمیٹی اعلامیہ کے مطابق:

لاپتا افراد کے مسئلے پر ادارہ جاتی سطح پر رسپانس تیار کیا جا رہا ہے۔

اس سلسلے میں اعلیٰ سطح کی کمیٹی قائم کی گئی ہے جو ایگزیکٹو کے تحفظات کا بھی جائزہ لے گی۔

جوڈیشل افسران کو بیرونی مداخلت سے تحفظ فراہم کرنے کا فیصلہ کیا گیا ہے۔

ہائی کورٹس میں اس مقصد کے لیے خصوصی ڈھانچے قائم کیے جائیں گے۔

تمام شکایات مقررہ وقت میں نمٹائی جائیں گی۔

اجلاس میں عدالتی اصلاحات کے سلسلے میں تجارتی مقدمات کے فوری حل کے لیے کمرشل لیٹیگیشن کوریڈور کی منظوری بھی دی گئی۔

جبکہ فوری انصاف کی فراہمی کے مقصد سے ڈبل ڈاکٹ کورٹ ریجیم کو بعض منتخب اضلاع میں تجرباتی طور پر نافذ کرنے کی منظوری بھی دے دی گئی۔

—

وی او سی اردو کا تبصرہ:
پاکستان میں عدلیہ کا لاپتا افراد جیسے حساس اور انسانی حقوق سے وابستہ مسئلے پر واضح مؤقف اور ادارہ جاتی اصلاحات کی طرف پیش قدمی اس امر کا ثبوت ہے کہ اعلیٰ عدلیہ آئینی و انسانی وقار پر سمجھوتے کے لیے تیار نہیں۔ تاہم یہ دیکھنا اہم ہوگا کہ ان فیصلوں پر عمل درآمد کس حد تک ممکن اور مؤثر ہوتا ہے۔

—

وی او سی اردو
🌐 www.newsvoc.com
📲 واٹس ایپ چینل: https://whatsapp.com/channel/0029VaCmBaI84OmAfXL45G1k

ڈسکلیمر:
یہ خبر ابتدائی معلومات، عدالتی اعلامیے اور ذرائع ابلاغ پر مبنی ہے۔ مستقبل میں عدالتی کارروائی یا حکومتی موقف کے مطابق تفصیلات میں تبدیلی ممکن ہے۔

VOC/005/120725