کراچی (نیوز وی او سی آن لائن)چیف جسٹس ثاقب نثار کی سربراہی میں لارجر بنچ سپریم کورٹ کراچی رجسٹری میں اہم مقامات کی سماعت کرے گا،لارجر بنچ میں جسٹس فیصل عرب اور جسٹس سجاد علی شاہ شامل ہیں۔
تفصیلات کے مطابق چیف جسٹس آف پاکستان کی سربراہی میںلارجر بنچ آج انسانی اعضا کی غیرقانونی پیوند کاری سمیت اہم مقدمات کی سماعت کرے گا،اس معاملے پر چاروں صوبوں کے ایڈووکیٹ جنرلز کو نوٹس جاری ہو چکے ہیں۔
چیف جسٹس ثاقب نثار سپریم کورٹ کراچی رجسٹری پہنچ گئے اس موقع پر سکیورٹی کے سخت انتظامات کئے گئے ہیں, پولیس اور رینجرز کی بڑی تعداد سپریم کورٹ کے احاطے میں تعینات ہے۔
