چھرے سے حملہ کرنے والا شخص پولیس کی فائرنگ سے زخمی
(نیوز وی او سی آن لائن )فرانس کے دارالحکومت پیرس میں پولیس کے مطابق معروف عجائب گھر لووغ کے باہر سکیورٹی اہلکاروں پر چھرے سے حملہ کرنے والے شخص کو فرانسیسی سپاہی نے گولی مار دی ہے۔ پولیس کے مطابق حملہ آور نے ‘اللہ اکبر’ کا نعرہ بھی لگایا تھا۔ پولیس کا کہنا ہے وہ شخص لووغ کے ساپنگ سینٹر میں گھسنے کے کوشش کر رہا تھا اور اس کے پیٹ میں گولی لگی ہے جس سے وہ شدید زخمی ہو گیا ہے۔ اس واقعے میں ایک سپاہی زخمی کے سر پر زخم آیا ہے۔ فرانسیسی وزارت داخلہ نے صورتحال کو ‘نازک’ قرار دیا ہے جبکہ لووغ میں سیاحوں کو زمین پر لیٹ جانے کے لیے کہا گیا تھا۔ وزیراعظم برنارڈ کازنیوو کا کہنا ہے کہ حملہ ‘دہشت گردی کی نوعیت کا تھا۔’ پولیس کا کہنا ہے کہ مشتبہ حملہ آور نے دو سفری تھیلے اٹھا رکھے تھے تاہم ان میں کوئی دھماکہ خیز مواد برآمد نہیں ہوا۔ اس حملے کے وقت لووغ میں ڈھائی سو افراد موجود تھے اور انھیں چھان بین کے بعد باہر نکالا گیا ہے۔ پولیس کے مطابق حملہ کرنے والے شخص پر پانچ گولیاں چلائی گئیں۔
