پنجاب پولیس کے انٹر ریجن ٹورنامنٹ میں نمایاں پوزیشن حاصل کرنے والے پٹرولنگ پولیس کے ملازمین کے لیئےتعریفی اسناد
ایس پی ہیڈکوارٹرز عمران کشور نے پنجاب پولیس کے انٹر ریجن ٹورنامنٹ میں نمایاں پوزیشن حاصل کرنے والے پٹرولنگ پولیس کے ملازمین کو تعریفی اسناد عطا کیں اور انکے اعزاز میں ٹی پارٹی کا انعقاد کیا گیا۔ تفصیلات کے مطابق ایڈیشنل آئی جی پٹرولنگ امجد جاوید سلیمی کی ہدایت پر انکے اعزاز میں تقریب منعقد کی گئی جس میں اے ڈی آئی جی ڈی ایس پی حمیدہ نوید بھی موجود تھیں۔ ٹورنامنٹ میں کانسٹیبل محمد عمران نے باکسنگ سپر ہیوی ویٹ کیٹگری میں اول اور ہیوی ویٹ میں دوئم، پنجہ آزمائی میں کانسٹیبل مدثر حسین نے اول، بیڈمنٹن سنگلز میں اے ایس آئی طاہر شاہ اور کانسٹیبل محمد عثمان، محمد تنویر، احمدرضا خان اور خالد محمود اول، شوٹنگ والی بال میں محمد اسحاق سب انسپکٹر، کانسٹیبل اشفاق احمد، اطہر محمود، بابر اقبال، اظہر حسین، ندیم اختر، ذیشان، بابر، افتخار علی، محمد شاہد، آصف سلیم اور غلام علی نے اول، کبڈی ایشین سٹائل میں اے ایس آئی امداد علی، کانسٹیبل عباس علی، محمد یونس، ظفر، حافظ نصیر احمد، کامران، فخر حیات اور محمد ندیم نے دوئم جبکہ تائیکوانڈو میں کانسٹیبل خاور مجید نے دوئم پوزیشن حاصل کی۔ سب انسپکٹر زین العابدین انچارج سلیکشن کمیٹی سپورٹس بھی موجود تھے۔
