لاہور(کلچرل رپورٹر)اکمل فینزکلب لاہورکے زیراہتمام پنجابی فلمو ں کے معروف ہیر و اکمل کی 50ویں برسی کے موقع پرتقریب 11جون کومسلم ٹاﺅن قبرستان میں ہوگی جس کی مہمان خصوصی سینئراداکارہ نغمہ بیگم ہونگی ۔تقریب میں ملک بھرسے اکمل مرحوم کے پرستارشریک ہونگے جس کی میزبانی کے فرائض تنظیم کے جنرل سیکرٹری امجدپرویزاورمرحوم کے بیٹے اداکارشہبازاکمل ہونگے۔اس موقع پرقرآن خوانی کااہتمام کیاجائے گااورمر حوم کی خدمات پرانہیں خراج عقیدت پیش کیا جائے گا۔اکمل پنجابی فلمو ںمیں سپرسٹارتھے ۔انہوں نے کیریئرکاآغازثانوی کرداروں سے کیا۔انہیں پہلی بارفلم ”جبرو“میںہیروکے کردارمیں کاسٹ کیاگیا۔بطورہیرو فلم ”ملنگی “نے انہیں شہرت کی بلندیوں تک پہنچادیا۔وہ 11جون 1967ءکوخالق حقیقی سے جاملے ۔اکمل کی یادگارفلمو ںمیں ”زمیندار،پیداگیر،دشمن،چوڑیاں،بچہ جمورا،بہروپیا،مفت بر، مقابلہ“ اور دیگر شامل ہیں۔
