(بشیر باجوہ بیورو چیف پاکستان نیوز وائس آف کینیڈا
برازیل کے سابق اسٹار فٹ بالر رونالڈینیو کا کہنا ہے کہ وہ پاکستان میں مداحوں کو بہترین موقع فراہم کرنا چاہتے ہیں۔
کراچی میں لیژرلیگ کے نمائشی میچ کے دوران رونالڈینیو کا کہنا تھا کہ وہ اس ملک میں جہاں سیکیورٹی کی بہتری کے بعد مزید بین الاقوامی اسٹارز کو دورے کے لیے آمادہ کرنے کی کوشش کی جارہی ہے وہاں پر ‘ایک بہترین موقع فراہم کرنا’ چاہتے تھے۔
رونالڈینیو نے پاکستان کا شکریہ ادا کرتے ہوئے کہا کہ ‘میری پذیرائی اور عزت افزائی پر میں آپ کا مشکور ہوں’۔
پاکستان میں لیژر لیگ میں حصہ لینے والے بین الاقوامی کھلاڑیوں کو ‘رونالڈینیو اینڈ فرینڈز’ کا نام دیا گیا ہے جن میں مانچسٹریونائیٹڈ کے سابق کھلاڑی رائن گگز، انگلینڈ کے سابق گول کیپر ڈیوڈ جیمز، ڈچ کھلاڑی جارج بوئٹنگ، فرانس کے سابق کھلاڑی رابرٹ پائرس اور نیکولس انیلکا اور پرتگال کے سابق اسٹار لوئس بوا مورٹے شامل ہیں۔
کراچی میں کھیلے گئے میچ کو دیکھنے کے لیے مداحوں کی ایک بڑی تعداد میدان میں موجود تھی جو دور دور سے اپنے پسندیدہ کھلاڑیوں کی ایک جھلک کے لیے آگئے تھے۔
خیال رہے کہ میچ میں رونالڈینیو7 کی ٹیم نے ریان گگز کے خلاف 1-2 سے کامیابی حاصل کی
