(بشیر باجوہ بیورو چیف پاکستان نیوز وائس آف کینیڈا)
پاک بحریہ کے سربراہ ایڈمرل محمد ذکااللہ کا فاتح پاکستانی ٹیم کے ساتھ گروپ فوٹو— تصویر بشکریہ پاک بحریہ آرمی چیف جنرل قمر جاوید باجوہ کے بعد پاک بحریہ نے بھی آئی سی سی چمپیئنز ٹرافی جیتنے والی قومی کرکٹ ٹیم کے اعزاز میں استقبالیہ دیا۔
راولپنڈی میں منعقدہ عشائیے میں سرفراز کی زیر قیادت پاکستان کی فاتح ٹیم کے کھلاڑیوں، چئیرمین پی سی بی شہریارخان اور چیئرمین ایگزیکٹو کمیٹی نجم سیٹھی شریک ہوئے۔
اس موقع پرپاک بحریہ کے سربراہ ایڈمرل محمد ذکااللہ نے کرکٹ ہیروز کی کارکردگی کو سراہا اور انہیں میڈلز بھی پیش کیے۔
پاک بحریہ کےسربراہ کا کہنا تھا کہ فتح کی خوشی کو کرکٹ ٹیم کے ہیروز کے ساتھ منانا ہمارے لئے باعثِ مسرت ہے۔
اس موقع پر انہوں نے خصوصی طور پر پاک بحریہ کے سابق اہلکار فخر زمان کی کارکردگی بھی تعریف کی اور فتوحات کو ٹیم ورک کا نتیجہ قرار دیا۔
یاد رہے کہ اس سے قبل وزیر اعظم نواز شریف اور آرمی چیف جنرل قمر جاوید باجوہ نے بھی کھلاڑیوں کے اعزاز میں استقبالیہ دیتے ہوئے ان کی کارکردگی کو سراہا تھا۔
