پاکستان دنیا کا پہلا ملک بن گیا جس نے سکھ میرج ایکٹ منظور اور نافذ کیا

: انٹرنیشنل ڈیسک
: اسلام آباد / لاہور

پاکستان دنیا کا پہلا ملک بن گیا جس نے سکھ میرج ایکٹ منظور اور نافذ کیا

پاکستان کی تاریخ میں ایک اور سنگِ میل عبور کر لیا گیا — پنجاب اسمبلی نے سکھ برادری کے لیے “سکھ میرج ایکٹ 2018” کی منظوری دے کر پاکستان کو دنیا کا پہلا ملک بنا دیا جس نے سکھ شادیوں کی باقاعدہ رجسٹریشن کے لیے قانون سازی کی اور اس پر عملدرآمد بھی شروع کر دیا۔

پنجاب حکومت کی جانب سے ننکانہ صاحب میں سردار پلوندر سنگھ اور سردار دلجیت سنگھ کو باقاعدہ میرج رجسٹرار مقرر کیا گیا ہے۔ ان کے ذریعے سکھ شادی شدہ جوڑوں کے کوائف کا اندراج اور کمپیوٹرائزڈ میرج سرٹیفکیٹ کا اجرا باقاعدہ طور پر شروع ہو گیا ہے۔

یہ قانون نہ صرف سکھ برادری کے شادی رجسٹریشن کے مسائل حل کرے گا بلکہ ان کی وراثت اور شناختی دستاویزات کے قانونی معاملات کو بھی سہولت فراہم کرے گا۔ پنجاب حکومت دیگر شہروں میں بھی رجسٹرار تعینات کرنے جا رہی ہے۔

قابلِ ذکر بات یہ ہے کہ اس قانون کے تحت اٹھارہ سال سے کم عمر سکھ لڑکے یا لڑکی کی شادی رجسٹر نہیں کی جائے گی۔

رکن پنجاب اسمبلی سردار رمیش سنگھ اروڑا نے اس قانون کو سکھ برادری کے لیے تاریخی کامیابی قرار دیا اور حکومتِ پاکستان کا خصوصی شکریہ ادا کیا۔

—

وی او سی اردو کا تبصرہ:
پاکستان کی مذہبی ہم آہنگی اور اقلیتوں کے حقوق کے تحفظ کی جانب یہ ایک عملی اور قابلِ تحسین قدم ہے۔ ننکانہ صاحب سے اس قانون کا آغاز ایک علامتی اہمیت بھی رکھتا ہے جہاں سکھ مت کے بانی بابا گرو نانک دیو جی کی جائے پیدائش واقع ہے۔

—

وی او سی اردو
🌐 www.newsvoc.com
📲 واٹس ایپ چینل: https://whatsapp.com/channel/0029VaCmBaI84OmAfXL45G1k

ڈسکلیمر:
یہ خبر ابتدائی معلومات، مقامی ذرائع یا سرکاری بیانات پر مبنی ہے۔ تفتیشی یا ادارتی پیشرفت کی بنیاد پر معلومات میں تبدیلی ممکن ہے۔
VOC/004/270625

—