پاکستان اور سری لنکا کے درمیان دوسرا ون ڈے آج کھیلا جائے گا

ابوظہبی کے شیخ زید اسٹیڈیم میں دونوں ٹیمیں پاکستانی وقت کے مطابق سہ پہر 4 بجے میدان میں اتریں گی، قومی ٹیم کو سیریز میں 0-1 کی برتری حاصل ہے۔
آج ہونے والے میچ میں میزبان ٹیم میں کسی تبدیلی کا امکان نہیں اور پہلے میچ کی فاتح ٹیم ہی میدان میں اترے گی جب کہ سری لنکن ٹیم میں ایک سے دو تبدیلیاں کئے جانے کا امکان ہے۔
سرفراز الیون، احمد شہزاد، فخر زمان، بابراعظم، شعیب ملک، محمد حفیظ، عماد وسیم، رومان رئیس، شاداب خان، حسن علی اور جنید خان پر مشتمل ہے۔
ممکنہ سری لنکن ٹیم نروشن ڈکویلا، کپتان اوپل تھرنگا، کشال مینڈس، لہیرو تھرمانے، دنیش چندیمل، ملندا سروردانا، تھسارا پریرا، سرنگا لکمل، اکیلا داننجایا، لہیرو گیمج اور وشوا فرنندو پر مشتمل ہے جب کہ دشمنتھا چمیرا اور جیفری ونڈرسی میں سے کسی کو ٹیم میں شامل کیا جاسکتا ہے۔