پاراچنار: عید گاہ مارکیٹ کے قریب دھماکہ ،20افرادجاں بحق,50 سے زائد زخمی

پاراچنار(نیوز وی او سی آن لائن)عید گاہ مارکیٹ کے قریب بارودی سرنگ کا دھماکہ ہونے سے20افراد جاں بحق اور 50ے زائد زخمی ہوگئے ہیں ۔نجی ٹی وی جیو نیوز نے پولیٹیکل انتظامیہ کے حوالے سے بتایا کہ متعدد زخمیوں کی حالت تشویشناکت ہےجبکہ مزید ہلاکتو ں کا خدشہ ہے۔ پولیٹیکل انتظامیہ کے مطابق دھماکہ پرانی سبزی منڈی میں اس وقت ہوا جب وہاں پر لوگوں کا سبزی خریدنے کیلئے رش لگا ہوا تھا۔آئی ایس پی آر نے 6افراد کے شہید اور 20 کے زخمی ہونے کی تصدیق کردی ہے۔
ترجمان آئی ایس پی آر میجر جنرل آصف غفور کے مطابق دھماکہ 8بجکر 50منٹ پر دیسی ساختہ بارودی سرنگ کے پھٹںے کے باعث ہوا ۔آرمی ہیلی کاپٹر زخمیوں کوہسپتال منتقل کررہے ہیں۔سکیورٹی اداروں نے علاقے کو گھیرے میں لے کر سرچ آپریشن شروع کردیا ہے جبکہ ریسکیو آپر یشن بھی جاری ہے۔ایم این اے ساجد طوری کے مطابق بم سیب کی پیٹی میں نصب کیا گیا تھا جبکہ مزید اطلاعات کے مطابق دھماکہ میں زخمی ہونے والے افراد کو ایجنسی ہیڈ کوارٹر ہسپتال منتقل کیا جاگیا ہے جہاں ان کو طبی امداد دی جارہی ہے۔یاد رہے کہ اس سے قبل بھی عید گاہ مارکیٹ میں تین دھماکے ہوچکے ہیں اور یہ چوتھا دھماکہ ہے۔