دبئی (نیوز وی او سی آن لائن)پشاور زلمی کے کپتان ڈیرن سیمی کا کہنا ہے کہ ٹاس جیت کر پہلے فیلڈنگ کا فیصلہ ٹھیک تھا ہم ہدف حاصل کر لیتے لیکن جلدی وکٹیں گنوانے کے باعث ہم اس میں ناکام رہے ۔
میچ کے اختتام پر گفتگوکرتے ہوئے پشاور زلمی کے کپتان ڈیرن سیمی کا کہنا تھا کہ سیریز ابھی ختم نہیں ہوئی واپسی کریں گے۔انہوں نے کہا کہ کنڈیشنز سپنر باولنگ کو سپورٹ کررہی ہیں اس سے فائدہ اٹھائیں گے ۔ڈیرن سیمی کا کہنا تھا کہ ابھی ہمارے تین میچز باقی ہیں ہم کم بیک کریں گے اور آج کے میچ میں بہتر رزلٹ دیں گے۔
خیال رہے پی ایس ایل کے اکیسویں میچ میں اسلام آباد یونائیٹڈ نے پشاور زلمی کو26رنز سے شکست دی تھی ،پشاور زلمی 183رنز کے ہدف میں مقررہ اوورز میں 9وکٹوں کے نقصان پر156رنز ہی بناپائی۔
