نیب شہبازشریف کے گھر پہنچنے والا ہے، قمر زمان کائرہ

پیپلز پارٹی کےسینئر رہنما قمر زمان کائرہ نے کہا ہے کہ قوم شوبازشریف کی شوبازیوں سے اچھی طرح واقف ہے،قوم کو پتا ہے کہ کون ٹوپیاں پہن کر ٹوپی ڈرامے کرتا ہے،نیب شہباز شریف کے گھر بھی پہنچنے والا ہے ۔
وزیراعلیٰ پنجاب شہبازشریف کی تقریر پر ردعمل دیتے ہوئے قمر زمان کائرہ نے کہا کہ وہ سوئس اکاونٹس کو چھوڑیں اب اپنے بھائی اور ان کےبچوں کی دولت کی فکر کریں ۔
شہباز شریف کے آصف زرداری پر لگائے گئے الزامات پر جواب دیتے ہوئےان کا مزید کہا کہ شہبازشریف5سالہ حکومت میں سوئس بینک سےپیسےواپس کیوں نہ لائے۔
ان کا یہ بھی کہناتھاکہ سوئس اکاونٹس کی دولت کی حقیقت تھی توسامنے لے آتے ، آپ سوئس اکاونٹس کوچھوڑیں اب اپنےبھائی اورانکےبچوں کی دولت کی فکر کریں۔