نواز شریف نے ملاقات کیلئے 10 مرتبہ رابطہ کیا پر میں نے انکار کر دیا: آصف زرداری

کراچی 10 اکتوبر
(بیورو چیف پاکستان بشیر باجوہ نیوز وائس آف کینیڈا)
آصف زرداری کا کہنا ہے کہ نواز شریف نے ملاقات کیلئے 10 مرتبہ رابطہ کیا پر میں نے انکار کر دیا۔ تفصیلات کے مطابق نجی ٹی وی چینل کے پروگرام سے گفتگو کرتے ہوئے سابق صدر آصف زرداری نے دعوی کیا کہ نااہلی کے بعد سے نواز شریف نے ان سے ملاقات کیلئے 10 مرتبہ رابطہ کیا۔ آصف زرداری کا کہنا ہے کہ رابطوں کے باوجود انہوں نے نواز شریف سے ملاقات کرنے سے انکار کر دیا۔ نواز شریف نے جو کچھ اپنے مخالفین کیساتھ کیا اب انہیں اسی کا سامنا کرنا پڑ رہا ہے۔ وہ اب نواز شریف کی کسی قسم کی کوئی مدد نہیں کریں گے۔