نواز شریف اپنے خلاف خودسازش کر رہے ہیں،رانا ثناء اللہ کو خواتین کی تضحیک کرنے کے لئے مریم نواز نے شہہ دی:فواد چوہدری

اسلام آباد (نیوز وی او سی آن لائن) تحریک انصاف کے ترجمان فواد چوہدری نے کہا ہے کہ کوئی اور نہیں نواز شریف خود اپنے خلاف سازش کر رہے ہیں،رانا ثناء اللہ کو خواتین کی تضحیک کرنے کے لئے مریم نواز نے شہ دی، نواز شریف اپنا روایتی بیانیہ دے رہے ہیں کہ ان کے خلاف سازش ہوئی ہے ، ان کے بچوں کی 16 کمپنیوں میں 3 سو ارب روپے کہاں سے آئے؟ ۔
نجی ٹی وی کے مطابق نواز شریف کی ساہیوال جلسے میں کی گئی تقریر پر تحریک انصاف کی جانب سے رد عمل دیتے ہوئےپی ٹی آئی کے مرکزی سیکرٹری اطلاعات فواد حسین چوہدری نے کہا کہ ساہیوال جلسے میں رانا ثناء اللہ کو اگلی صف میں بٹھانا اور استقبال قابل مذمت ہے ، تحریک انصاف کے لاہور جلسے میں شرکت کرنے والی خواتین کی تضحیک کرنے میں رانا ثناء اللہ کو مریم نواز کی شہہ حاصل تھی ۔ فواد چوہدری کا کہنا تھا کہ لندن میں شریف خاندان کی جائیدادوں کے ذرائع کیا ہیں ؟نواز شریف اس کا جواب نہیں دیتے ،نواز شریف سے سوال پوچھ لیا جائے تو کہتے ہیں جمہوریت کوخطرہ ہے ۔ انہوں نے کہا کہ کوئی اور نہیں نواز شریف خود اپنے خلاف سازش کر رہے ہیں۔