لاہور(مانیٹرنگ ڈیسک) پاکستانی اداکارہ صباءقمر نے اپنی زندگی کے سب سے اہم راز سے پردہ اٹھا دیا ہے اور انکشاف کیا ہے کہ جب وہ نوجوان تھیں تو شہزاد رائے پر مر مٹی تھیں۔تفصیلات کے مطابق نجی خبر رساں ادارے ایکسپریس ٹریبیون سے گفتگو کے دوران صباءقمر سے کئی سوال پوچھے گئے جن کے انہوں نے انتہائی دلچسپ جواب دئیے۔ فلم ”لاہور سے آگے“ میں پسندیدہ ڈائیلاگ سے متعلق سوال پر انہوں نے جواب دیا کہ ”آنکھیں لڑ گئی ہیں، گھنٹیاں بھی بج رہی ہیں۔“ پسندیدہ ڈائیلاگ ہے۔ اس دوران ان سے یہ بھی پوچھا گیا کہ ان کا سب سے پہلا سلیبریٹی کرش کون سا تھا۔ تو انہوں نے جواب دیا کہ ”میں بالکل نوجوان تھی۔۔۔ اور یہ شہزاد رائے تھے۔۔۔ لیکن میں واقعی نوجوان تھی۔“
