ممبئی (اسپورٹس ڈیسک) بالی ووڈ اداکارہ انوشکا شرما نے تردید کی ہے کہ بھارتی کپتان ویرات کوہلی ان کی ذاتی فلم میں سرمایہ کاری کر رہے ہیں۔میڈیا میں زیر گردش افواہاں پر ناراض انوشکا شرما کے مطابق ’’فلاری‘‘ ان کی ہوم پروڈکشن ہے جس میں ان کے بوائے فرینڈ ویرات کوہلی کا ایک پیسہ بھی نہیں لگا جبکہ انہوں نے بطور اداکارہ ہمیشہ عزت اور وقار کے ساتھ اپنے فلمی کیریئر کو آگے بڑھایا۔ ان کا کہنا تھا کہ غیر حقیقی خبروں پر خاموشی کو ان کی کمزوری نہ سمجھا جائے کیونکہ وہ ذاتی فلموں کی پروڈکشن اور تشہیر کے قابل ہیں۔
