نئی دہلی (ویب ڈیسک) بالی ووڈ کی خوبرو اداکارا پریانکا چوپڑا نے اپنے مداحوں کو ’نصیحت‘ کی ہے کہ وہ ان کی نئی ہالی ووڈ فلم ’بے واچ‘ خود ضرور دیکھیں مگر اپنے بچوں کو نہ دکھائیں کیونکہ اس میں چند بے حیائی سے بھرپور مناظر بھی ہیں اور گالیوں کی بھی بہتات ہے۔بے واچ پریانکا چوپڑا کی پہلی ہالی ووڈ فلم ہے اور وہ اس کی لانچ پر انتہائی پرجوش ہیں۔ اس فلم کے بہت سے ریویوز بھی آ چکے ہیں جس میں پریانکا چوپڑا کی اداکاری کو خوب سراہا گیا ہے۔ تاہم انہوں نے اپنے مداحوں کو ہدایت کی ہے کہ وہ یہ فلم اپنے بچوں کو نہ دکھائیں۔ بھارتی خبر رساں ادارے سے گفتگو کرتے ہوئے پریانکا چوپڑا نے فلم کی شوٹنگ کے دوران پیش آنے والا ایک دلچسپ واقعہ بھی سنایا اور کہا کہ ”گالیاں نکالنا بہت خوفناک تھا۔
