ممبئی (اے پی پی)بالی ووڈ اداکارہ کاجول دیوگن نے کہا ہے کہ میری فلموں کے ری میک نہیں بن سکتے ۔ بھارتی ذرائع ابلاغ کے مطابق اداکارہ نے میڈیا سے گفتگو کرتے ہوئے کہا میرا نہیں خیال کہ میری کسی بھی فلم کا ریمیک یا سیکوئل بن سکتا ہے تاہم انہوں نے فلم گپت کے سیکوئل پر بات کرتے ہوئے کہا اگر اس فلم کا سیکوئل بنایا گیا تو اس میں بھی میں ہی بیٹی کا کردار ادا کروں گی اور اپنی ماں کی موت کا بدلہ لوں گی لیکن مجھے نہیں لگتا کہ ایسا ہونا چاہئے ۔
