ماؤنگ داوا(مانیٹرنگ ڈیسک)میانمار میں بنگلہ دیش کے ساتھ منسلک سرحد پر واقع چیک پوسٹ پر مسلح افراد کے حملے میں 9پولیس اہلکار ہلاک ہوگئے۔ اے ایف پی کے مطابق حملہ مغربی ریاست راکھائین میں ماؤنگ داوا کے علاقے میں واقع تین سرحدی چیک پوسٹوں پر کیا گیا۔ان حملوں میں کم از کم 9پولیس اہلکار ہلاک ہوگئے تاہم ابھی تک کسی گروپ نے حملوں کی ذمہ داری قبول نہیں کی۔مقامی حکام کے مطابق ان حملوں میں چار اہلکار زخمی ہوئے جبکہ ایک ابھی تک لاپتہ ہے۔حکام نے آٹھ حملہ آوروں کو مارنے کا دعویٰ بھی کیا ہے۔
