ممبرصوبائی اسمبلی میڈم شاہین اشفاق نے کہا ہے کہ پاکستان کو ترقی کی بلندیوں کی جانب رواں دواں کرنا پاکستان مسلم لیگ (ن ) کی حکومت کامشن ہے
(بشیر باجوہ بیورو چیف پاکستان نیوز وائس آف کینیڈا )
ممبرصوبائی اسمبلی میڈم شاہین اشفاق نے کہا ہے کہ پاکستان کو ترقی کی بلندیوں کی جانب رواں دواں کرنا پاکستان مسلم لیگ (ن ) کی حکومت کامشن ہے ملک سے دہشت گردوں کا سر کچل د یا گیا ہے سابقہ حکومتوں نے دہشت گردوں پر قابو نہیں پایا حکومت نے پاک افواج کے ساتھ شانہ بشانہ چلتے ہو ئے دہشت گردی کو جڑ اکھار پھینکا ہے۔ انہو ں نے کہاکہ آئندہ سال تک بجلی کا بحران بھی ختم ہو جائے گا حکومت پاکستان لو ڈشیڈنگ کے خاتمہ کے لئے دن رات کام کر رہی ہے۔ ایم پی اے میڈم شاہین اشفاق نے کہاکہ حکومت نے رمضان المبارک کے دوران غریب عوام کو اشیاء خوردونوش سستے داموں فراہم کرنے کے لئے انقلابی اقدامات اٹھائے ہیں اور جگہ جگہ سستے رمضان بازاروں کا اہتمام کیا ہے ان اقدامات سے حکومت غریب روزہ داروں کی خدمت کر رہی ہے۔ انہوں نے کہاکہ پنجاب فوڈ اتھارٹی صوبہ میں چھاپے مار کر جعلی اور غیر معیاری اشیائے ضروریہ فروخت کرنے والوں کے خلاف سخت تادیبی کاروائی کررہی ہے تاکہ عوام کو معیاری اور اصول صحت کے مطابق اشیائے خوردونوش فراہم ہو سکیں۔
