محکمہ انسداد دہشت گردی ( سی ٹی ڈی ) نے ملتان کو بڑی تباہی سے بچاکر 5 دہشت گردوں کو گرفتار کرلیا ۔
سی ٹی ڈی حکام کے مطابق دہشت گرد آج رات ملتان پر حملہ کرنا چاہ رہے تھے ،گرفتار افراد سے پانچ دستی بم اور اسلحہ برآمد ہوا ہے ۔
ترجمان سی ٹی ڈی کے مطابق خفیہ اطلاعات کی بنیاد پر کارروائی ملتان کے نواحی گاؤں سندھیالہ میں کی گئی،گرفتاردہشت گردوں کا تعلق کالعدم تنظیم تحریک طالبان اور القاعدہ سے ہے۔
ترجمان کے مطابق ملزمان نے آج رات ملتان میں حساس تنصیبات کو نشانہ بنانا تھا، گرفتار دہشت گردوں میں ابوبکر، ابوذر، نعمان، مبین اور ارسلان شامل ہیں۔
ترجمان کے مطابق ان کے قبضے سے 5 دستی بم، اسلحہ اوربارودی مواد برآمد ہوا ہے،مقدمہ درج کرنے کے بعد دہشت گردوں کو تحقیقات کیلئے نامعلوم مقام پر منتقل کر دیا گیا۔
