👇👇👇🇵🇰🤝🇨🇦
Voice of Canada
مسٹر عابد نور بھٹی کا جنوبی پنجاب میں تبادلہ
لاہور (25 فروری 2025)
بشیر باجوہ (وی او سی اردو) حکومتِ پنجاب، سروسز اینڈ جنرل ایڈمنسٹریشن ڈیپارٹمنٹ کی جانب سے جاری کردہ نوٹیفکیشن کے مطابق مسٹر عابد نور بھٹی (BS-20) کو ایڈیشنل ڈائریکٹر جنرل، پبلک ریلیشنز، جنوبی پنجاب، ملتان تعینات کر دیا گیا ہے۔ وہ اس سے قبل ایڈیشنل ڈائریکٹر جنرل، پبلک ریلیشنز، ڈی جی پی آر، لاہور کے طور پر خدمات انجام دے رہے تھے۔
یہ تبادلہ فوری طور پر نافذ العمل ہوگا اور انہیں ملتان میں ایک خالی اسامی پر تعینات کیا گیا ہے۔
یہ حکم گورنر پنجاب کی ہدایت پر چیف سیکریٹری زاہد اختر زمان کے دستخط سے جاری کیا گیا ہے۔ مزید کارروائی کے لیے اس نوٹیفکیشن کی کاپیاں گورنر پنجاب، وزیراعلیٰ پنجاب، محکمہ اطلاعات و ثقافت، اکاؤنٹنٹ جنرل پنجاب، اور دیگر متعلقہ حکام کو ارسال کر دی گئی ہیں۔
نوٹیفکیشن کے مطابق، مسٹر عابد نور بھٹی جلد اپنی نئی ذمہ داریاں سنبھالیں گے۔
