کراچی 13جون 2017
(بشیر باجوہ بیورو چیف پاکستان نیوز وائس آف کینیڈ)
،مختلف علاقوں میں پولیس کی تابڑتوڑکاروائیاں،65ملزم گرفتار
سٹی ڈویژن کے آٹھ تھانوں کی حدودمیں پولیس نے کومبنگ آپریشن کیا جن میں گارڈن، کھارادر، میٹھادر، عیدگاہ، نیپئر، نبی بخش، سٹی کورٹ اور رسالہ شامل ہیں۔ آپریشن کے دوران 57 کو گرفتارکیاگیا۔ ایس پی سٹی کے مطابق آپریشن یوم علی کے پیش نظر سیکورٹی اقدامات کے طور پر کیا گیا۔ ناظم آباد میں پولیس نے کارروائی کرتے ہوئے 4 ملزمان کو گرفتار کرلیا، ملزمان میں غیرملکی باشندہ عبدالقیوم اور 3 منشیات فروش زیب خان، احمد دین اور سکندرعلی شامل ہیں۔ کریم آباد سے 2 ملزمان کامران لنگڑا اور شاہنواز کو گرفتار کیا گیا۔ جن کا تعلق موٹرسائیکل چوری کرنے والے بین الصوبائی گروہ سے ہے۔ ملزمان سے گاڑیوں کے لاک کھولنے کے آلات اور 3موٹرسائیکلیں بھی برآمد کرلی گئیں۔ بلدیہ ٹاؤن 2 نمبرسےغیرقانونی رہائش پذیر افغان باشندہ احمد شاہ جبکہ اتحاد ٹائون پولیس نے ڈکیتی کے مقدمے میں مفرورملزم عظیم کو گرفتارکرلیا۔پولیس کے مطابق لیاری میراناکہ میں فائرنگ سے اسماعیل بلوچ نامی شخص ہلاک ہوگیا، ابتدائی تحقیقات کے مطابق اسماعیل کو منشیات کے دھندہ میں تنازعے پر قتل کیا گیا۔
