ماں جیسی عظیم ہستی اللہ تعالی کی طرف سے بہت بڑی نعمت ہے

گوجرانوالہ 12مئی2107
(بشیر باجوہ بیورو چیف پاکستان نیوز وائس آف کینیڈا )
سابق ڈی ایس پی ٹریفک غلام عباس نے کہا ہے کہ ماں جیسی عظیم ہستی اللہ تعالی کی طرف سے بہت بڑی نعمت ہے‘ ماں کے پیروں تلے جنت اور ماں کے ادب واحترام میں ہی دنیا وآخرت کی کامیابی وکامرانی ہے۔انہوں نے کہا کہ سال میں صرف ایک مرتبہ ماں کا عالمی دن منانے سے ماں کا حق ادا نہیں ہوتاہمیں ہر لمحہ ماں کی عزت اور خدمت میں صرف کرنا چاہئیے۔ انہوں نے کہا کہ یہ ماں ہی ہے جو ہر روزاپنے بچوں کی راہ تکتی ہے ان کی سلامتی کی دعائیں مانگتی ہے‘ماں باپ کی شان میں خود اللہ تعالی نے قرآن پاک میں ارشاد فرمایا کہ ان کے سامنے اف تک نہ کہو۔انہوں نے کہا کہ ہماری نوجوان نسل کامیابی کے لئے ماں کی دل وجان سے خدمت کرے اور ان کی عزت و احترام میں کبھی بھی فرق نہ آنے دے۔