انقرہ(مانیٹرنگ ڈیسک) ہالی و وڈ اداکارہ و گلوکارہ لنڈسے لوہن ترکی میں شامی مہاجرین کے کیمپ پہنچ گئیںجہاں انھوں نے بچوں سے ملاقات کی اور ان میں تحائف بھی تقسیم کئے ،لِنڈسے لوہان ترکی کے نائب وزیرِ کھیل کے ہمراہ مہاجرین سے ملاقات کی اور زخمی مہاجرین کی عیادت بھی کی،اس موقع پر وہ شامی بچوں کے ساتھ گھل مل گئیں۔ اداکارہ نے کیمپ میں کافی وقت گزارا اور حلب شہر سے جان بچا کر ترکی پہنچنے والے مہاجرین کی داستان بھی سنی۔
