پاکستان تحریک انصاف کے رہنما شفقت محمود کہتے ہیں کہ نواز شریف کی پوری تقریر عمران خان کے بارے میں تھی ، لاہور کے جلسے کے بعد عمران خان نواز شریف کے اعصاب پر سوار ہے۔
شفقت محمود نے نوازشریف کے خطاب پر رد عمل میں کہا کہ وعدے کر رہے ہیں یہ کریں گے اور وہ کریں گے، جنہوں نے 30 سال میں کچھ نہیں کیا ، اب کیا کریں گے۔
ان کا کہنا تھا کہ انہوں نے کرپشن کا دفاع کیا ، آج تک یہ نہیں بتایا کہ لندن فلیٹس کس کے ہیں؟
شفقت محمود نے کہا کہ پہلی دفعہ ان کا احتساب ہو رہا ہے اور رونا بند نہیں ہو رہا ۔
