لاہور حملے میں شہید ہونے والوں کو سلام پیش کر تا ہوں ،مردم شماری ایک قومی ذمہ داری ہے جسے ہر قیمت پر مکمل کیا جائے گا :آرمی چیف

اہور (نیوز وی او سی آن لائن )چیف آف آرمی سٹاف جنرل قمر جاوید باجوہ نے کہا ہے کہ لاہور حملے میں شہید فوجی اہلکار اور سویلین مردم شماری اہلکارمردم شماری کی ڈیوٹی پر تھے ،ملک میں مردم شماری کو ہر قیمت پر مکمل کیا جائے گا۔میڈ یا رپورٹس کے مطابق لاہور میں مردم شماری کی ٹیم پر دہشت گردی کے حملے پر رد عمل دیتے ہوئے آرمی چیف جنرل قمر جاوید باجوہ نے کہا کہ مردم شماری قومی فریضہ ہے جسے ہر قیمت پر مکمل کیا جائے گا ۔ان کا کہنا تھا کہ فوجی اہلکار وں اور مردم شماری کے اہلکاروں کی شہادت بلا شبہ عظیم قربانی ہے ،شہدا کو سلام پیش کرتے ہیں ۔انہوں نے مزید کہا کہ قوم کی حمایت سے ملک بھر سے دہشت گردی کو جڑ سے اکھاڑ پھینکیں گے ۔