ریاض(این این آئی) سعودی مفتی اعظم شیخ عبدالعزیز بن عبداللہ آل شیخ نے قطر کے عازمین حج کی فضائی راستے سے منتقلی کے حوالے سے قطری حکام کے انکارکو سخت تنقید کا نشانہ بنایا ہے ۔ سعودی مفتی اعظم کے مطابق دوحہ حکومت کا فضائی راستے کے ذریعے اپنے عازمین حج کو سعودی عرب منتقل کرنے سے انکار کرنا ایک غلط اور خطرناک حرکت ہے ۔ انہوں نے اپنے تبصرے میں کہا کہ عازمین حج کو بغیر کسی شرعی سبب کے مقامات مقدسہ آنے سے روکنا جائز نہیں۔
