لندن (سپورٹس ڈیسک ) فٹ بال ورلڈ کپ کوالیفائنگ راﺅنڈ یورو گروپ میں شمالی آئرلینڈ ‘ڈنمارک اور سلووانیہ نے کامیابی حاصل کر لی ۔ پہلے کھیلے گئے میچ میںشمالی آئر لینڈ نے آذر بائیجان کو صفر کے مقابلے میں ایک گول سے شکست دی ۔ دونوں ٹیموں کے درمیان سخت مقابلہ دیکھنے کو ملا تام شمالی آئرلینڈ کی ٹیم فاتح ٹھہر ی ۔ دوسرے میچ میں ڈنمارک نے قازخستان کو یکطرف مقابلے کے بعد ایک کے مقابلے میں تین گول سے شکست دیدی ۔ ڈنمارک نے شروع سے ہی گو ل کرکے سبقت حاصل کرلی جو میچ کے اختتام تک برقرار رہی ۔ سلووانیہ نے مالٹا کے خلاف دو صفر سے کامیابی حاصل کی ۔ دونوں ٹیموں کے درمیان اچھا مقابلہ ہو ا تاہم سلووانیہ کی ٹیم جیتنے میں کامیاب رہی ۔ انگلینڈ اور سکاٹ لینڈ کے درمیان مقابلہ سخت رہا ۔ دونوں ٹیموں نے ایک دوسرے کے گول پوسٹ پر تابڑ توڑ حملے کئے تاہم میچ کا اختتام دو دو گول کی برابری پر ختم ہوا۔
