فرانس کے صدر کا تحفتاً دیا گیا پودا وائٹ ہاؤس سے غائب ہوگیا۔ پودا فرانس کےاُس علاقے سے لایا گیا تھا جہاں جنگِ عظیم دوئم میں دو ہزار امریکی فوجی مارے گئے تھے۔
یہ پودا فرانس کے صدر ایمانویل مکرون نے امریکی صدر ڈونلڈ ٹرمپ کو بطور تحفہ دیا تھا اور اس پودے کو وائٹ ہاؤس کے باغ میں امریکا اور فرانس کے صدر نے مل کر لگایا تھا۔
فرانسیسی صدر نے کہا تھا کہ یہ درخت ہمیں ‘اُن چیزوں کی یاد دلائے گا، جو ہمیں جوڑے ہوئے ہے، لیکن پودا لگانے کے صرف چار روز بعد پودا وہاں موجود نہیں تھا۔
