ایم کیوایم پاکستان کے رہنما علی رضا عابدی کا کہنا ہے وہ فاروق ستار سے درخواست کریں گے کہ الیکشن کمیشن کا فیصلہ چیلنج کیا جائے۔
علی رضا عابدی الیکشن کمیشن آف پاکستان کے فیصلے کہ فاروق ستار اب ایم کیو ایم کے کنوینر نہیں رہے پر اپنے رد عمل کا اظہار کر رہے تھے۔
انہوں نے مزید کہا کہ بہادرآباد والے دوست الیکشن کمیشن نہیں آئے، ہوسکتا ہے انہیں فیصلے کا علم ہو،فیصلہ اگر مینج کیا گیا ہے تو ہمارے لیے باعث تشویش ہے۔
علی رضا عابدی کا یہ بھی کہنا ہے کہ الیکشن کمیشن ٹرائل کورٹ نہیں ،آج کا الیکشن کمیشن کا فیصلہ ہمارے ساتھ ناانصافی ہے۔
